Vrasja e ndodhur mesditën e sotme në fshatin Manati të Lezhës ka tronditur mbarë opinionin publik shqiptar. Autori i ngjarjes së rëndë është një 17-vjeçar i identifikuar si Florian Përvathi. Adoleshenti vrau Lekë Lekgjonaj 65 vjeç për shkak se vëllai i tij i këtij të fundit, 13 vite më parë vrau të atin e të riut.
Ndërkohë, akoma më e trishtë është historia që qëndron pas kësaj vrasje që ka ardhur si pasojë e një hakmarrje.
Në vitin 2009 Ndue Lekgjonaj (vëllai i Lekë Lekgjonajt) u vetëdorzua në polici pasi akuzohej për vrasjen e shtetasit Gjon Përvathi si dhe për plagosjen e dy personave të tjerë. Për aksidentimin me makinë të djalit të viktimës dhe plagosjen e të afërmit të këtij të fundit.
Sipas Fax News, tragjedia u pasua dhe nga vetëhelmimi nënës së autorit 17-vjeçar, Martine Përvathi, pasi mori vesh lajmin e vrasjes së bashkëshortit Gjon Përvathi. Shkak i krimit ka qenë konflikti që kanë pasur familjet Përvathi dhe Lekgjonaj për çështje pronësie.
17-vjeçari nuk e ka harruar dot historinë që familjet kanë pasur dhe për këtë arsye ai ka vendosur të vrasë Lekë Lekgjonajn.
