Rexhë Byberi i jep 570 MLN Lekë Shpresa Nikës për një rrugicë fshati

Shkruar nga: V Gashi | Publikuar më: 10.05.2023, 12:06

Në bashkinë Tropojë nuk na bie rasti të dëgjojmë për investime në infrastrukturë, sepse pushtetarët kujtohen vetëm kur ka zgjedhje. Tani që na ndajnë dhe pak ditë nga zgjedhjet e 14 majit, ka filluar angazhimin kryebashkiaku Rexhë Byberi. Kryetari është kujtuar për rrugën e një fshati.

Prokurimi ka si objekt “Rikonstruksion i rrugës së fshatit Kasaj” dhe është lënë në dispozicion fondi limit me vlerë 800 milionë lekë.

As emri nuk i është përmendur kësaj zone dhe banorët kanë mbetur në mëshirë të fatit. Tani Byberi kërkon të shpenzojë miliona lekë nga taksat e qytetarëve për një shtresë asfalt që do të hedhë në këtë rrugë, që në fakt do të mjaftonin për të asfaltuar të gjitha rrugët e Tropojës.

Por përveç kësaj shume marramendëse që po shpenzon Byberi në kohë fushate, në dokumente shohim se projekti është zhvilluar në shkelje të ligjit. Fituesi është shpallur pa garë dhe më një ofertë ekonomike të lartë.

Vihet se re për këtë projekt kanë shfaqur interes 7 firma. Gjashtë prej tyre janë skualifikuar që në fazën e parë, sepse sipas Byberit nuk plotësonin kriteret, dhe mbeti në raundin e dytë vetëm firma “Nika shpk”, në pronësi të biznesmenes Shpresa Nika.

Si e vetme në garë ajo përfitoi kontratën pa konkurrencë, duke ndezur alarmin e kuq të abuzimit. Bashkia Tropojë e ka vlerësuar ofertën e Nikës si më të mirën, por në fakt ka harruar faktin që ishte një nga ofertat më të shtrenjta duke shkelur parimin e PP për ofertën më të ulët ekonomikisht.

Duket se 3 prej firmave janë ofruar ta kryejnë këtë shërbim me 550 milionë lekë, ndërsa firma fituese ka ofruar gati 600 milionë lekë. Gjithsesi të gjitha ofertat janë më të lira se fondi që do të shpenzonte Byberi.

Por nëse kjo rrugicë mund të sistemohet me 600 milionë lekë, pse Byberi planifikonte të merrte 800 milionë lekë fonde. Çdo të bënte me 200 milionëshin tjetër?

Apo mos është kjo një pyetje retorike, sepse tashmë jemi mësuar me kryebashkiakët që vjedhin. Ndërsa fshatrat në Shqipëri, edhe ato turistiket, po rrënohen nga mungesa e investimeve.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit