Luftëtarët talebanë janë fotografuar me armë zjarri në krah teksa pedalonin varkat në formë mjelmash në një kohë që protetsta të shumta po zhvillohen në Afganistan për ndalimin e kthimit të vajzave në shkollë. Imazhet tregojnë militantët talebanë që kanë hipur mbi varkat 'mjelma' në Parkun Kombëtar Band -e Amir – dikur një pikë e nxehtë për udhëtarët ndërkombëtarë dhe turistët vendas. Parku ka 6 liqene blu që ndodhen pranë maleve Hindu Kush, afërsisht 45 milje nga Bamiyan më parë shtëpia e Budave të Bamiyanit, të cilat talebanët i shkatërruan në 2001.
Sundimtarët e rinj talebanë të Afganistanit, të cilët ngritën një ministri për 'përhapjen e virtytit dhe parandalimin e veseve' në ndërtesën që dikur kishte Ministrinë e Çështjeve të Grave, tani po përballen me protesta për trajtimin e grave dhe vajzave. Të Shtunën talebanët përjashtuan vajzat nga kthimi në shkollën e mesme, por urdhëruan djemtë dhe mësuesit meshkuj të ktheheshin në klasë, duke thyer përsëri premtimin e tyre për të sjellë një sundim më të ashpër sesa paraardhësit e tyre të viteve 1990. Gjatë sundimit të tyre të mëparshëm të Afganistanit në vitet 1990, talebanët u kishin mohuar vajzave dhe grave të drejtën për arsimim dhe i kishin ndaluar ata nga jeta publike.
Burimi:dailymail Përktheu dhe përshtati:JOQ ALBANIA