Ditën e sotme, kryetari i Partisë së Pensionistëve, Selami Jenisheri ka bërë një deklaratë të bujshme nga foltorja e Kuvendit. Ai doli me një rezultat prej 13 votash nga zgjedhjet e 25 Prillit. Jenisheri ka deklaruar se ka bërë të mundur që Shqipëria të jetë pjesë e OKB-së. Ndër të tjera, deputeti i Kuvendit të Shqipërisë tha se Presidenti dhe Parlamenti duhet të thonë “shyqyr që ka një deputet si Selami Jenisheri që e bëri pjesë Shqipërinë ne OKB”.
“Ti me thënë shyqyr që doli një deputet si Selami Jenisheri që e futi Shqipërinë në një organizatë si ajo e Kombeve të Bashkuara. Ne jemi anëtarë të OKB-së, paguajmë taksa dhe kanë rregull kur bie cikloni, tërmeti, përmbytjet, ata japin ndihmën e vet. Por Selami Jenisheri, jo vetëm ka bërë të mundur këtë gjë, por kam propozuar të vihet ligji i detektivit privat,”-tha ai ndër të tjera.
