Detaje të reja kanë dalë në dritë nga vrasja e Liljana Buzos, 54-vjeçares, e cila u ekzekutua me armë nga bashkëshorti i saj, Koço Buzo. BW raporton se Liljana sapo kishte dalë nga gjykata, ku kishte një seancë për çështjen e divorcit, kur është përballur me bashkëshortin e saj. 54-vjeçarja ka qenë e shoqëruar nga dy djemtë e saj, më i vogli 15 vjeç. Për disa minuta ajo ka debatuar me 58-vjeçarin dhe më pas ai e ka ekzekutuar.
Pas disa të shtënave arma është bllokuar dhe pas kësaj autori ka vrapuar drejt saj për t’i prerë fytin me thikë. Në këtë moment ka ndërhyrë djali 15-vjeçar, ai ka marrë armën dhe ka kërcënuar të atin. Ndërkohë në vendin e ngjarjes kanë ndërhyrë kalimtarët, dy prej të cilëve kanë mbetur të plagosur, por dhe një punonjës i sigurisë së gjykatës.