Detaje të reja tronditëse janë zbuluar nga ngjarja e rëndë që ndodhi ditën e djeshme në fshatin Gur i Zi në Shkodër. Një 10-vjeçar me iniciale N.Y humbi jetën teksa është përpjekur të bëjë një video për Tik Tok. Mësohet se 10-vjeçari ishte ngjitur në katin e dytë të banesës, aty ku po kryheshin punime. Ka lidhur një litar në betoniere dhe ka tentuar të bëjë një lojë, por gjithçka ka shkuar keq, betonierja ka lëvizur dhe litari i është shtrënguar në qafë. Kanë qenë familjarët e tij ata që e kanë gjetur në gjendje të rëndë dhe e kanë transportuar me urgjencë për në spital por ka ndërruar jetë. 10-vjeçari ishte fëmija më i madh i familjes ndërsa kishte edhe një vëlla tjetër më të vogël.
Kur prindërit kanë parë 10-vjeçarin kanë gjetur dhe telefonin e tij në video-record, çka ka rritur dyshimet se i mituri po kryente një lojë për ta postuar në rrjetin social ‘TikTok’, lojë që përfundoi tragjikisht.