Një ngjarje e rëndë ka tronditur Shkodrën ditën e djeshme pasi një 10-vjeçar me inicialet N.Y humbi jetën teksa është përpjekur të bëjë një video për Tik Tok. Ishin familjarët ata që gjetën të vetëvarur 10-vjeçarin, cili ishte një nxënës në shkollën “Atë Gjon Karma” në Gur të Zi. Kjo ngjarje ka tronditur pa masë edhe stafin e mësuesve të shkollës ku 10-vjeçari vazhdonte shkollën dhe ishte në klasë të katërt. Mësuesja kujdestare Roberta Naraci ka treguar për mediat se 10-vjeçari nuk kishte shfaqur probleme por se ishte një fëmijë lider në klasë.
Ai ishte nxënës i imi që prej klasës së parë. Mund ta përshkruaj si një nxënës me arritje të mira, me tipare të një lideri. Një fëmijë shumë i shkathët. Gëzonte respektin e nxënësve dhe mësuesve. Shumë sjellje e mirë. Asnjëherë nuk ka shfaqur probleme.