Zgjedhjet e 25 prillit u mbyllën me fitoren e Partisë Socialiste e cila arriti të merrte mandatin e tretë radhazi, kur përballë këtë vit kishte Partinë Demokratike e cila kërkonte ndryshimin bashkë me Lëvizjen Socialiste për Integrim. Por rezultati i zgjedhjeve nuk u prit mirë nga demokratët dhe anëtarët e kryesisë së saj. I pari që reagoi në lidhje me këtë rezultati ishte Fatbardh Kadilli, anëtar i Kryesisë së PD. Kadilli përveçse kërkoi dorëheqjen e Bashës nga posti i kryetarit të partisë, të cilin e fajësoi për rezultatin e zgjedhjeve, shpalli edhe kandidaturën për kryetar të PD.
Por emri i Fatbardh Kadillit nuk është aq i panjohur në politikën shqiptare... Në disa foto të publikuara së fundmi... bëhet me dije anëtarësia e tij në MJAFT dhe lidhjet me Erion Veliaj, i cili po ashtu ka qenë pjesë e kësaj lëvizje të financuar nga SOROS. Fushata e MJAFT nisi veprimtarinë e saj më 15 mars 2003 dhe qëllimi kryesore i kësaj fushate ishte asgjesimi i apatisë qytetare dhe ndjellja e shpirtit të protestës tek njerzit. Kadilli ka qenë një prej drejtuesve të bordit të MJAFT-it, i cili më pas është impostuar dhe shkoi në PD për KOP-in (Komiteti i Orjentimit të Politikave) një strukturë që ngriti Sali Berisha në vitin 2004, së bashku me Lulzim Bashën. Pas kësaj Kadilli u bë këshilltar i Berishës dhe kanditat për deputet e deputet në vitin 2009. Por Kadilli u zhduk nga skena politike si i zgjedhur, dhe bëhet sekretar i Burimeve Njerëzore, me Lulzim Bashën; mbështetës i tij deri në vitin 2017.
Kadilli vendosi të bashkohej me Rilindjen e Ramës për të qendruar në pushtet duke marrë benefite edhe pse në opozitë. Ai papritur fillon të flasë kundër Bashës në daljet e tij publike. Në këtë mënyrë kuptohet qartë edhe fakti se përse Kadilli kërkon me patjetër dorëheqjen e Bashës nga kreu i Partisë Demokratike.
