Janis Karathanos nuk merr vetëm koncesione, tendera-qoka ditore (siç e trajtuam në artikullin tonë të fundit), por këtë radhë ka përfituar jo pak por mbi 800 Milionë Lekë nga Qendra e Kombëtare e Transfuzionit të Gjakut, institucion që po i derdh paratë publike lumë në kohë fushate për oligarkët e shëndetësisë.
Bëhet fjalë për një procedurë me Marrëveshje Kuadër, ku konkurrues ka qenë vetëm Pegasus dhe kompania që po përdoret si karrem në mënyrë më të shpeshtë seç duhet në tenderimet publike, “Gen – Alb” SHPK e Mareglen Kocias dhe Albano Begos. Kjo kompani, edhe në këtë tender ka marrë pjesë fiktivisht sepse nuk ka dhënë ofertë ekonomike, duke e shpallur automatikisht fituese PEGASUS.
Tenderi em objekt “Blerje kite reagente, serume AB0 dhe reagentë/aksesorë të tjerë të nevojshëm për QKTGj e ndarë në 4 lote: Loti Nr.1 – “Reagentë dhe aksesorë të nevojshëm për testimin në laboratorin e agjentëve infektivë” i është futur komapnisë së Karathanosit të koncesionit 10 Miliardësh të laboratorëve në xhep.
Një vlerë e madhe nga paratë e Buxhetit të Shtetit për oligarkët e shëndetësisë, të cilat nuk ka guximin t’i hetojë asnjë institucion përgjegjës, sidomos në kohë fushate. Gjëja e vetme që i ka mbetur popullit shqiptar indiferent kur sheh se paratë e taksave të tyre i jepen një grushti të ngushtë personazh me lidhje qeveritare, është të vazhdojë të qëndrojë i pashqetësuar pas çdo skandali të fushës së tenderave që bëhet publik.
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.