Personi që shpiku Bitcoin, i njohur vetëm si Satoshi Nakamoto, është ndoshta një nga njerëzit më të pasur në botë tani, me një pasuri që vlerësohet rreth 44 miliardë £. Problemi i vetëm është, se askush nuk e di kush është Satoshi Nakamoto, nëse personi që shpiku Bitcoin është ende gjallë apo nëse ka ekzistuar ndonjëherë. Në një kohë që vlera e kriptomonedhës rritet çdo ditë e më shumë të gjithë duan të dinë se kush është krijuesi i saj që do ta bënte atë personin e 19 më të pasur në të gjithë planetin. Bitcoin është rritur në vlerë me 900 përqind gjatë vitit të kaluar.
Kushdo që është Satoshi Nakamoto, ai zotëron rreth pesë përqind të Bitcoin-it në botë me vlerë 44 miliardë paund. Kjo është një shumë e madhe parash që duhet të ketë një person anonim. Bitcoin u krijua në 2009 dhe u bë monedha e parë e decentralizuar në botë. Sa i përket Nakamoto, disa besojnë se është një emër i koduar për grupin e njerëzve që dolën me idenë, ndërsa të tjerët besojnë se e gjitha ishte puna e një njeriu. E vetmja gjë që është e sigurt është se shumica e njerëzve nuk kanë absolutisht asnjë ide se kush është Satoshi Nakamoto. Për shkak se vlera e Bitcoin është rritur pa masë, numri i njerëzve që përpiqen të mashtrojnë njerëzit nga paratë e tyre ndërsa përpiqen të marrin një fitim është rritur në mënyrë drastike.
Burimi:ladbible Përktheu dhe përshtati:JOQ ALBANIA
