Instituti Kombëtar për shëndetin publik dhe mjedisin është duke zhvilluar në Bilthoven, Holandë, hetimet e urdhëruara nga Zyra e Prokurorit Publik të Sirakuzës për vdekjen e Stefano Paternò, ushtari i cili vdiq më 9 mars në Misterbianco (Catania), një disa orë pas vaksinimit me AstraZeneca. Ky hetim do të përcaktojë karakteristikat e përmbajtjes në shishet e vaksinës AstraZeneca, lloji ABV2856 e cila i është administruar nënoficerit të Marinës që vdiq disa orë pas vaksinës dhe pesë pjesë të tjera: ABV6096, ABV5811, ABV3374, ABW1277 dhe ABW2586. Kjo analizë e këtyre llojeve të vaksinave vjen pas disa vdekjeve të njerëzve të tjerë që kishin marrë vaksinën.
Për të shoqëruar testet e vaksinave të AstraZeneca në Holandë, në bordin e një avioni ushtarak të vënë në dispozicion nga Komanda e Përgjithshme e Karabinierëve, së bashku me Nas të Catania, ishte edhe prokurori Gaetano Bono. Rezultati do të dalë për tre javë.
Ai tha se kjo ishte arsyeja, sepse në Itali nuk ka ndonjë metodë të çertifikuar për të bërë një analizë të tillë. Prokurori Bono shkoi në Holandë për të ekzekutuar urdhrin evropian të hetimit penal. Hetimi vazhdon të verifikojë nëse ka vërtet një lidhje midis vdekjes së ushtarit dhe administrimit të vaksinës, për këtë po bëhet ekzaminimi i trupit dhe organeve të tij. Ndërsa paralelisht po kryhen edhe hetime për administruesit e vaksinës në Itali ku mes të dyshuarve është edhe përfaqësuesi ligjor i AstraZeneca Itali, një mjek dhe një infermier nga spitali ushtarak ku u administrua doza.
Burimi:italy24 Përktheu dhe përshtati:JOQ ALBANIA
