Gjykata e Apelit të Posaçëm Kundër Korrupsionit dhe Krimit të Organizuar la në fuqi vendimin e Shkallës së Parë duke dënuar përfundimisht me burgim të përjetshëm grekun Eftimio Eftimiu. Ky vendim i formës së prerë për ish- komandon e forcave ushtarake të vendit fqinj, vjen pasi ai u shpall fajtor për vrasjen e Devi Kasmit, ngjarje e ndodhur më 9 janar të vitit 2018. Togat e zeza të Apelit të GJKKO-së, dënuan me 33 vite burg të bashkëpandehurin tjetër Elton Halipajn, i cili dyshohet se është personi që i siguroi grekut mjetet për të kryer vrasjen. Devi Kasmi u ekzekutua në Tiranë, në rrugën “Kongresi i Manastirit”. 41-vjeçari u qëllua nga dy persona me motoçikletë. Identifikimi i grekut u bë falë kamerave të sigurisë.