Një shqiptar nga Kosova ka rezultuar pozitiv me variantin e ri britanik të Covid. Rasti u konfirmua në Slloveni, ndërsa lajmi u bë me dije nga kryeministri slloven Janez Jansha.
Sipas gazetës Ekspres, ai tha:
Një rast i ri i infektimit me llojin anglez u konfirmua nga një shtetas i Kosovës me banim në Slloveni, i cili ishte kthyer nga Belgjika, për të cilën autoritetet sllovene informuan belgët. Ai u vendos në izolim dhe po kontrollohen kontaktet e tij të mundshme. Nëse rezulton se ky variant i virusit, i cili është më ngjitës dhe përhapet më shpejt në vend, kjo do të nënkuptojë se situata në lidhje me përhapjen e virusit është “jashtëzakonisht e rëndë”, por nëse rezulton të jetë relativisht e vogël në të gjitha rajonet, atëherë qeveria do të mbetet në vlerësimin se epidemia mund të kontrollohet.
Më tej kryeministri bëri thirrje që të gjithë qytetarët të respektojnë siç duhet masat parandaluese dhe të kihet kujdes maksimal.
Foto ilustruese
