Çmimet në stratosferë! Një çifti i duhen 15-20 vjet kursime për të blerë një apartament në periferi të Tiranës

Tirana renditet si një nga kryeqytetet me çmimet më të larta të aprtamenteve, bazuar edhe në raporte dhe krahasime ndërkombëtare. Por kontrasti qëndron në faktin se çmimet në fjalë janë në disproporcion me të ardhurat. Sipas përllogaritjeve, një çifti për të marrë kredi i duhet të ketë minimalisht 120 mijë lekë të ardhura mujore. Por realiteti dëshmon se shumë pak e kanë një mundësi të tillë, ndërkohë që për të blerë një aprtament (në periferi të kryeqytetit), një çifti do i duhen 15- 20 vjet kursime.

Për këtë ka folur edhe agjentja imobiliare, Ogerta Bala e cila u shpreh se çmimet variojnë nga ndërtimet nëse janë të vjetra apo pak më të reja.

Au u shpreh:

Tek Zona e Freskut apartamentet vazhdojnë 500-700 euro metri katror në varësi të ndërtesës nëse është e re apo jo. Në Yzberisht shkojnë 550-600 euro metri katror, ndërsa në Astir kanë shkuar 800 euro metra katror. Për shkak të unazës sepse njerëzit kanë fleksibiltet Durrësin.

Gjothashtu Arbi Agalliu, ekspert ekonomie dha komentin e tij në lidhje me çmimet e apartamenteve.

Ai tha:

Pra le të marrim një apartament 800 euro metra katrorë, në 100 metra do të thotë 80 mijë euro apartamenti. Një çift i cili merr 120 mijë lek të reja të ardhura në muaj do tu duhet të marrim një kredi që minimalisht kësti shkon 500-600 euro në muaj. Mesatarisht çiftit do t’i duhet të kursejë 15 vite nga jeta e tij që të blej një shtëpi.