Shefi i Urgjencës Kombëtare: Do kemi deri 1 mijë raste në ditë, duhen masa të tjera shtrënguese

Dhjetori pritet të jetë një muaj edhe më i vështirë sa i përket situatës Covid. Infektimet pritet të arrijnë në 1 mijë raste në ditë, si dhe do të rriten shtrimet në spital. Ekspertët nuk përjashtojnë mundësinë e aplikimit të masave të tjera shtrënguese në orare dhe aktivitete të ndryshme. Situata nga epidemia pritet të përkeqësohet edhe më tepër. Me fillimin e dimrit, specialistët parashikojnë rritje të infektimeve, të shtrimeve në spital e ndoshta dhe humbjeve të jetës. Kreu i Urgjencës Kombëtare, Skënder Brataj, deklaron se në dhjetor numri i të infektuarve mund të arrijë 1 mijë raste në ditë.

Ai tha:

Nga 700-800 raste të ditëve të fundit, do të kemi një rritje 20-30% të rasteve ditore dhe shtrimeve në spital. Dimri, temperaturat e ulëta, lagështia e ajrit dhe qëndrimi në ambiente të mbyllura janë favorizues të përhapjes së virusit.