Një objekt, i quajtur 2020 SO dhe që dhyshohet se është asteroid, ka kaluar sot shumë afër Tokës, rreth 50 mijë kilometra. Jo shumë i madh, rreth 10 metra në diametër, objekti po tërheq vëmendjen e të gjithë studiuesve të agjencive hapësinore, në veçanti NASA. Arsyeja kryesore e kuriozitetit është se asnjëri nuk e di me qartësi se çfarë është 2020 SO. Objekti është pikasur edhe më parë, dhe ishte klasifikuar si asteroid. Astronomët e kanë vëzhguar objektin dhe thanë se ai po largohet përsëri,ndërsa shtojnë se ai nuk është një shkëmb i zakonshëm hapësinor.
Në vend të kësaj, janë dy gurë hapësinorë që gravitonin drejt njëri-tjetrit derisa u prekën dhe u bashkuan, duke krijuar një asteroid të dyfishtë, ndonjëherë i quajtur një asteroid binar kontakti.Por përllogaritje të reja, që kanë evidentuar shpejtësinë dhe formën jo tipike për një objekt natyror, rrisin mundësitë e një objekti të ndërtuar artificialisht. Nuk po flasim për një qytetërim alien, gjithsesi. Teoria e fundit dhe e pranuar nga pjesa më e madhe e astronomëve mbetet gjithsesi interesante. Sipas tyre, 2020 SO është asgjë më shumë sesa një kujtim i hidhur i së kaluarës. Më në detaj, flitet për rrënojat e një motor rakete, që mendohet se është identifikuar me Surveyor 2, e cila në vitin 1966 dështoi në misionin drejt Hënës, duke u përplasur me satelitin e planetit tonë.
Burimi: earthsky.org |Përktheu dhe Përshtati: JOQ Albania
