Mashtrimet duke u hequr dhe fshehur pas akteve bamirëse, janë një rrezik i pranishëm dhe kushdo mund të bëhet viktimë e tyre. Një denoncim ka ardhur në redaksinë JOQ Albania, ku një qytatar i quajtur Klodian Gjonçari ka treguar se një rrjet kriminal në Francë, me qendër në Paris ka tentuar ta mashtrojë. Fillimisht ai është kontaktuar nga një zonjë e quajtur Farah Salim, sipas saj me origjinë shqiptare dhe që ndodhej e shtruar në spital në Francë. Ajo shkruan se i shoqi nuk jeton më dhe se nga martesa nuk ka patur fëmijë dhe për këtë arsye dëshironte të dhuronte një shumë prej 58 mijë eurosh me qëllim për të ndihmuar njerëzit në nevojë. Ajo i lutet që t'i shkruajë dhe t'i kthejë përgjigje.
Biseda ka vazhduar dhe ndërkohë ajo i shkruan dhe e falenderon që Gjonçari i përgjigjet dhe e pyet në lidhje me shëndetin e saj, ndërsa insiston që ky duhet të pranojë dhuratën e saj dhe më pas e pyet në lidhje me detaje nga jeta e tij personale, statusin, gjendjen financiare dhe përkatësinë fetare.
Pasi ka biseduar me të në Whatsapp, Klodiani ka vijur kontaktin me E-mail. Më poshtë jepet biseda e plotë me noterin i cili ka hartuar Aktin e Dhurimit të pasurisë. Ai i thotë se që nga moment i nisjes, procedurat zgjasin 72 orë dhe dokumentet do të regjistrohen në Gjykatën e Shkallës së Parë në Paris. Më pas ai i kërkon të dhënat personale me qëllim fillimin e procesit.
Qytetari shkruan se nëse bëhet i një kërkim i adresës së E-mailit në Google, kërkimi të çon te zyrat e vërteta noteriale me qendër në Paris! Por pas kontaktit me zyrën e Parisit atij i kanë thënë që është hakeruar adresa e e-mailit! Ndërkohë më pas bisedat vazhdojnë me një fjalor tjetër dhe jo të përshtatshëm për publikun!
Ky është akti noterial i dhurimit të parave.
Mesazhi i plotë nga qytetari:
