Mjeku infeksionit Pëllumb Pipero ka folur për gjendjen aktuale të koronavirusit në vend dhe gjendjen në spitale.
I ftuar në studion e ABC News, Pipero u shpreh se të numri i të infektuarve duhet të jetë të paktën dhe 2-3 herë më shumë dhe për shkak të mungesës së kontakteve të cilët nuk i identifikojmë dot.
Pjesë nga biseda e Piperos në studio:
Së paku duhet të ketë dhe 2-3 herë më shumë dhe për shkak të mungesës së kontakteve të cilët nuk i identifikojmë dot. Këto raste potencialisht mund ti konsiderojmë si kandidat për spital. Mjekët e familjes në koordinim me epidemiologët bëjnë të pamundurën për të menaxhuar situatën. Nxitimi për të dhënë antibiotik pa pasur klinik është i gabuar. Dua të them që mjeku i familjes është trajnuar jo vetëm nga Urgjenca Kombëtare, por edhe nga ne. Janë bërë disa trajnime dhe di të them se i kemi trajnuar dhe ky është një nga avantazhet që ka mjeku i familjes në përballjen me COVID-19. Nuk duhet të nxitohemi, skema për tu përdorur ndryshon sipas fazave të sëmundjes. Ata që kanë nevojë për trajtim u kemi dhënë skema të duhura. Nëse ka vështirësi në frymëmarrje komunikohet me 127.
Mjeku infeksionist theksoi se prej rreth 4 apo 5 muajsh spitali i sëmundje Infektive ka një ngarkesë shumë më të madhe dhe se stafi mjekësor është me të vërtetë i lodhur. Por Pipero shtoi se pavarësisht kësaj, do vijojë puna për t’i ardhur në ndihmë qytetarëve, ndërsa u bëri apel që të sensibilizohen sa i përket mbajtjes së maskës.
