Pamje të rënda/ Identifikohet 71-vjeçari i vrarë në Fushë-Prezë, trupi i pajetë në vendngjarje

Më herët raportuam se në Rinas u qëllua për vdekje një 71-vjeçar. Ngjarja e rëndë ndodhi në zonën e Fushë- Prezës ndërsa u tha se ai u qëllua nga një mjet në lëvizje.

Burime për Fax bëjnë të ditur se, 71-vjeçari është Abdulla Budlla, banues në fshatin Hametaq, Njësia administrative Prezë. Ai ishte babai i 3 djemve dy prej të cilëve jetojnë në Itali ndërsa tjetri punon taksist pranë Aeroportit të Rinasit.

Burimet policore njoftojnë se ngjarja ka ndodhur rreth orës 16:45, në Fushë-Prezë, në kryqëzim me rrugën e Rinasit dhe është qëlluar nga një distancë 3-4 metra ndërsa ende nuk dihet shkaku pse i moshuari u vra.

Policia ka rrethuar zonën ndërsa po mblidhet çdo provë e mundshme që do çojë në identifikimin e autorëve dhe zbardhjen e shkakut të atenatit.

Njoftimi:

Me datë 03.08.2020, rreth orës 16:45, në Fushë-Prezë, në kryqëzim me rrugën e Rinasit, në rrethana ende të paqarta dyshohet se është vrarë me armë zjarri shtetasi A. B. 71 vjeç, banues në fshatin Hametaq, Njësia administrative Prezë. Shërbimet e Policisë me marrjen e njoftimit kanë shkuar menjëherë në vendngjarje, ku kanë bërë rrethimin e zonës, janë ngritur pika kontrolli në aksin rrugor Rinas-Fushë-Krujë, Rinas-Vorë-Tiranë. Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.