Sistemi ynë arsimor fokusohet shumë në “notën” e secilit dhe i vlerëson të gjithë sipas performancës së tyre.
Sistemi ynë është krijuar në atë mënyrë, saqë edhe fëmijët në moshë të vogël vlerësohen me notën 10 kur janë jashtëzakonisht të “mirë dhe të zgjuar”.
Por çfarë ndodh me ata që vlerësohen më pak? A është një person “budalla” kur merr më pak se 10 apo notë të keqe?
Sipas studimeve shkencore ndër vite, inteligjenca dhe për më tepër gjenialiteti, nuk ka të bëjë fare me performancën e një personi në shkollë. Merrni për shembull Ajnshtajnin, i cili ishte jashtëzakonisht keq në mësime, ose Edisonin, i cili u vlerësua si "i vonuar mendërisht" nga mësuesit e tij dhe u përjashtua nga shkolla.
Por, si të kuptoni nëse jeni gjeni? Në vijim keni 9 “shenja” që mund të kuptoni se sa të zgjuar jeni.
- Psikologët besojnë se të kesh një indeks të lartë emocional është shumë e rëndësishme për t'u quajtur një "person i zgjuar". Njerëzit e zgjuar në përgjithësi kuptojnë emocionet që kanë njerëzit rreth tyre.
- Ndjeni që nuk dini gjithçka. Kjo do të thotë që ju jeni një person i hapur ndaj ideve dhe njohurive të reja. Tendenca juaj e brendshme për të mësuar më shumë ju lejon të shikoni të gjitha aspektet e një çështjeje. Asnjëherë nuk keni frikë të pranoni gabimet tuaja. Gjithashtu, duke qenë mendjehapur, ju jeni në gjendje të bëni zgjedhjen e duhur dhe të mbroni më mirë këndvështrimin tuaj.
- Kurioziteti. Shumë studime kanë treguar se një fëmijë i “çuditshëm” ka më shumë gjasa të bëhet një person “superior” më vonë në jetë. Kurioziteti jep jo vetëm njohuri, por edhe përvoja të reja.
- Nuk e nënvlerësoni apo mbivlerësoni veten. Në një studim, rezultoi se njerëzit më pak inteligjentë mbivlerësojnë aftësitë e tyre njohëse.
- Jeni sarkastikë dhe me humor. Mund t'ju duket e çuditshme, por të kesh humor, të jesh elokuent dhe sarkastik kërkon një mendje mbi mesataren, si dhe të ndash të qeshurën nga seriozja.
- Jeni të vetmuar dhe shmangni shoqërimet dhe diskutimet e pakuptimta. Introversioni mbron nga marrëdhëniet dhe diskutimet e pakuptimta dhe krijon një lidhje të shenjtë me mendjen. Pra, truri funksionon pak më ndryshe nga ata që nuk jetojnë, pa kontakte.
- Orët tuaja më produktive janë gjatë natës. Shumë mund të reagojnë, por studimet kanë treguar qartë se njerëzit që flenë vonë natën dhe zgjohen herët në mëngjes kanë inteligjencë më të lartë. Megjithatë, për shkak se pagjumësia mund të jetë për shkak të një shkaku mjekësor, është mirë ta merrni seriozisht nëse keni probleme me mungesën e gjumit.
- A ju pëlqen të përtypni çamçakëz? Sado qesharake t'ju duket, shumica e studimeve që janë bërë kanë treguar se zakoni i përtypjes së çamçakëzit mund të jetë shenjë e inteligjencës shumë të lartë. Kimikatet që kalojnë nëpër mishrat e dhëmbëve thuhet se ndihmojnë në qarkullimin e gjakut. Njerëzit e zgjuar shpesh hanë një çamçakëz për të mësuar përmendësh gjëra.
- Ju mund të pyesni veten, çfarë lidhje ka inteligjenca me gjumin? Shumë studime kanë treguar se njerëzit që flenë janë më të zgjuar. Pra, nëse bëni një sy gjumë, në orare të ndryshme të ditës truri juaj relaksohet, ai është gati të marrë më shumë informacion, ndërsa ju ndiheni më të freskët dhe më të vetëdijshëm. Një gjumë i shkurtër ndihmon shumë në përmirësimin e inteligjencës suaj.
Burimi: www.newsbomb.gr| Përktheu dhe përshtati: JOQ ALBANIA
