Një fëmijë gjeni, i cili habiti profesorët me inteligjencën e tij, pretendon se është nga Marsi dhe se ka "rilindur" në Tokë.
Bëhet fjalë për 15-vjeçarin, Boriska Kipriyanovich, nga Volgogradi i Rusisë, i cili thotë se ka jetuar në planetin e kuq si marsian, përpara se të niste jetën e tij të re si njeri në Tokë.
Inteligjenca e tij e jashtëzakonshme, e shoqëruar me njohuri të thelluara për hapësirën, ka mahnitur shkencëtarët në mbarë botën.
Ai u bë i famshëm në vitin 2017, ku në një video të bërë virale në rrjet, paralajmëroi banorët e Tokës për rrezikun që iu kanoset në të ardhmen.
Djali gjeni tha asokohe se Toka do të përballet me të njëjtin fat si "populli i tij", ndërsa theksoi se u dërgua në planetin tonë me një mision për të shpëtuar njerëzimin.
Ai pretendon se ka dikur ka qenë një pilot marsian që udhëtoi drejt Tokës pasi planeti i tij u shkatërrua nga lufta që shpërtheu midis dy qenieve, ndërsa theksoi se të paktë ishin ata që mbijetuan nga kjo luftë shkatërrimtare, të cilët arritën të ndërtonin "shtëpiza mbrojtëse" dhe armë të reja.
Boriska tha se ai u rilind në Tokë se bashku me disa të tjerë që i mbijetuan mbrekullisht konfliktit, me qëllim për të shpëtuar racën njerëzore nga i njëjti fat.
Teksa e cilëson veten si një "fëmijë indigo", 15-vjeçari thotë se shumë marsianë janë të pavdekshëm dhe ndalojnë së plakuri në moshën 35-vjeçare. Sipas tij, ata janë shumë të gjatë, të avancuar teknologjikisht dhe të aftë për udhëtime ndëryjore.
Ndër të tjera, ai ka thënë:
"Më kujtohet kur isha 14 ose 15 vjeç, ku marsianët bënin luftëra gjatë gjithë kohës, kështu që shpesh më duhej të merrja pjesë në sulme ajrore me një mikun tim. Ne mund të udhëtonim në kohë dhe hapësirë duke fluturuar në anije kozmike të rrumbullakëta, por do të vëzhgonim jetën në Tokë në avionë trekëndësh. Anijet kozmike marsiane janë shumë të ndërlikuara."
Boriska thotë se raca që ai i përket marrin frymë me dioksid karboni, ndërsa shton se nëse ata vijnë në Tokë do të sjellin disa qenie me vete që të mbijetojnë.
Ai madje ka pohuar se sekreti i gjithë jetës njerëzore mund të "zhbllokohet" nga brenda Sfinksit të Madh të Egjiptit, pasi kishte fluturuar atje gjatë jetës së tij të mëparshme.
15-vjeçari është shprehur se:
"Jeta e njeriut do të ndryshojë kur të hapet Sfinksi, ai ka një mekanizëm të fshehur hapjeje diku; nuk e mbaj mend saktësisht."
Nëna e Boriskës thotë se e dinte se fëmija i saj ishte i jashtëzakonshëm menjëherë pas lindjes së tij, pasi ai mbajti kokën lart pa asnjë mbështetje në moshën vetëm dy javëshe.
Mjeku pretendon se ai filloi të fliste vetëm disa muaj më vonë dhe mund të lexonte, vizatonte dhe pikturonte kur ishte në moshën një vjeç e gjysmë.
Pasi ai filloi çerdhen, mësuesit e tij thuhet se ishin të mahnitur nga talenti i jashtëzakonshëm i të shkruarit i djalit, së bashku me memorien e tij të jashtëzakonshme.
Prindërit e tij këmbëngulin se edhe pse ata kurrë nuk i mësuan atij në mënyrë specifike për sistemet planetare, ai shpesh ulej dhe fliste për Marsin, qytetërimet e huaja dhe mrekullitë e hapësirës.
Dashuria e Boriskës me sistemin diellor vazhdoi gjatë gjithë viteve të tij të shkollore, përpara se ai t'u tregonte prindërve të tij për jetën e tij të mëparshme në Mars.
Burimi: The Sun|Përktheu dhe Përshtati: JOQ Albania
