Detaje të reja janë bërë me dije nga atentati ndodhur mbrëmjen e djeshme në qytetin e Fierit. Bëhet me dije se tre persona kanë marrë pjesë në ekzekutimin e 57-vjeçarit Demir Backa, dy prej tyre kanë ndihmuar autorët të largohen nga vendngjarja. Backa u qëllua me breshëri nga një automjet tip benz me targa të vjedhura. Drejt viktimës është qëlluar me 17 plumba teksa në lidhje me ngjarjen janë shoqëruar 15 persona që kanë patur lidhje me viktimën, mes tyre edhe persona me precedentë penalë. Burime për JOQ Albania kanë bërë me dije se kanë qenë dy automjete, ngjyrë gri dhe e zezë që janë futur nëpër lagjet e Fierit me shpejtësi pas atentatit, “ku për pak kanë goditur dhe një kalimtar”, ndërsa të tjera burime EKSKLUZIVE nga persona të brendshëm të ngjarjes kanë rrëfyer detaje nga konfliktet e mëparshme të Backajve.
Në lidhje me informacionet e publikuara në media në të cilat shkruhej se Backës i kanë ngacmuar mbesën pak kohë më parë, një burim për JOQ rrëfen se ka qenë pikërisht djali i Ben Qimes (Arbën Isufit) ai i cili ka ngacmuar mbesën e Backës. Ky i fundit takoi Ben Qimen për t’u sqaruar, ndërsa ai supozohet se i ka thënë Backës diçka që nuk i ka pëlqyer. Burimet shtojnë se më pas Backa e ka rrahur atë me grushte duke e lënë në gjendje shumë të rëndë. Ngjarja ka ndodhur rreth dy vite më parë.