Austria po kërcënon qytetarët e pavaksinuar me masa bllokimi nëse kapaciteti i kujdesit intensiv të vendit fillon të ulet për shkak të shtrimeve të reja me Covid. Paralajmërimi erdhi pasi kancelari Alexander Schallenberg u takua me krerët e nivelit shtetëror për të diskutuar numrin në rritje të rasteve. Nëse numri i pacientëve të kujdesit intensiv arrin në 500 – ose 25% të kapacitetit të vendit hyrja në biznese si bare dhe restorante do të kufizohet vetëm për ata që janë të vaksinuar.

Nëse rritet në 600, atëherë individët që nuk janë vaksinuar do të lejohen të largohen nga shtëpitë e tyre vetëm për arsye specifike. Numri i pacientëve me koronavirus aktualisht në ICU në Austri është 220. Schallenberg tha se kishte ende shumë "hezitues dhe zvarritës", dhe se ai shpresonte se planet do të dërgonin një sinjal. Ai hodhi poshtë një bllokim për ata që ishin vaksinuar ose shëruar nga COVID-19. Në javën e kaluar, Austria ka raportuar 20,408 raste të reja të virusit. Kjo e çon mesataren 7-ditore në 228.5 për 100,000 banorë. Një javë më parë, shifra ishte 152.5 për 100,000.

Burimi:dw Përktheu dhe përshtati:JOQ ALBANIA