Përjashtimi i ish-kryeministrit Sali Berisha nga grupi parlamentar i Partisë Demokratike duket se nuk po 'përtypet' aq thjeshtë nga disa mbështetës të tij brenda partisë. Gjatë mbledhjes së sotme mes grupit parlamentar të PD-së ka patur përplasje mes deputetit Flamur Noka dhe kreut të demokratëve Lulzim Basha. Mësohet se gjatë mbledhjes Noka i ka kërkuar shpjegime kreut të demokratëve mbi ecurinë dhe vendimin për Sali Berishën, pasi është kundër këtij vendimi. Por jo vetëm kaq pasi Noka ka bërë përgjegjës Bashën për përjashtimin e Berishës.
Noka: T’i je përgjegjës që i ke ngulur një thikë pas shpine Sali Berishës. Ti pavarësisht kësaj, ke thënë se është vendimi i jetës time.
Basha: Mos thoni gjysmë të vërteta, kam thënë vendimi më i vështirë që kam marrë.
Ndërkohë menjëherë pas mbledhjes Lulzim Basha është nisur për të takuar kryetarët e degëve në qarjkun e Fierit. Kjo vizitë e tij vjen vetëm një ditë para së Berisha të mbajë takimin e dytë në këtë qytet në kuadër të "Foltores".
