Një aksident tragjik me motor ka ndodhur në orët e para të mëngjesit të sotëm në Polydroso, Greqi, si pasojë e të cilit ka humbur jetën një 21-vjeçar shqiptar dhe një 17-vjeçar grek. Ambulanca mbërriti me urgjencë në vendngjarje, por fatkeqësisht i riu shqiptar kishte ndërruar jetë në vend, ndërsa 17-vjeçari grek u transportua në spitalin Spitalin Venizelio në Heraklion, por nuk mundi t’i mbijetonte plagëve të marra. Sipas mediave greke, viktimat janë Mattheos Karagiannakis dhe Erdi Rushitaj, të cilët po udhëtonin me një motor kur ai devijoi nga rruga dhe për pasojë u përplas me një shtyllë elektrike. Hetimet paraprake pritet të hedhin dritë mbi rrethanat e sakta në të cilat ndodhi aksidenti, ndërsa do të caktohet edhe një grup ekspertësh. Në të njëjtën kohë, janë kërkuar teste toksikologjike për të përcaktuar nëse drejtuesi i motorit ishte nën ndikimin e alkoolit.
Burimi: newsique | Përktheu dhe Përshtati: JOQ Albania