Një ngjarje e rëndë ndodhi ditën e sotme në Dafni të Greqisë në një familje shqiptare, ku burri 40-vjeçar theri me thikë gruan e tij 31-vjeçare. Mediat greke bënë me dije se shqiptari e qëlloi 31-vjeçaren me thikë në qafë dhe më pas shkoi në polici për të rrëfyer krimin, duke u shprehur ndër të tjera se ishte xheloz. Ndërkohë, mediat vendase kanë publikuar një status në rrjetet sociale të një fqinje të familjes, e cila ishte ankuar disa herë për shkak se çifti ziheshin dhe debatonin me tone të ashpra duke u kthyer kështu në shqetësim për të. Rasti i fundit ka qenë më datë 11 korrik, kur ajo kishte paraqitur një denoncim në polici. Po në të njëjtën ditë, fqinja kishte bërë një status për rastin, i cili po konsiderohet në media si një lloj “profecie” në lidhje me atë që ndodhi ditën e sotme.
“Sot unë thirra 100 për dhunë në një familje në apartamentin përballë meje ku jeton edhe një i mitur. Patrulla erdhi pas 25 minutash, ata as nuk u shqetësuan të zbresin. Thjesht hapën dritaret dhe u larguan. Unë nuk bëra asnjë ankesë. Ju thirra për shkak se dëgjova një zhurmë. Për fëmijën. Në televizor vetëm trupat llogariten. Kur ai ta therë atë unë do të njoftoj çdo kanal për t’ju kritikuar”– shkruante fqinja. Çifti kishin edhe një djalë dhe sipas dëshmive të fqinjëve të tyre, ishin shumë të “ftohtë” në komunitet dhe nuk shoqëroheshin me njeri.
Burimi: Protothema |Përktheu dhe Përshtati: JOQ Albania