Vrasja e 31-vjeçares shqiptare nga burri në Greqi/ Fqinjët: Shkonin bashkë, nuk ziheshin

Detaje të reja kanë dalë në dritë në lidhje me vrasjen e 31-vjeçares shqiptare nga burri i saj në Dafni të Greqisë. Fqinjët kanë folur për çiftin në mediat greke duke thënë se 31-vjeçarja dhe 40-vjeçari shkonin dhe nuk kishin grindje.

Një prej tyre ka thënë:

Jam shokuar, kam shumë vite që i njoh, ata kanë një çun, shkonin. Kishin blerë një fast-food, s’di çfarë të them, gruaja ishte e mirë, porosisnim nga dyqani i tyre për të ngrenë.

“Lexova në internet që zotëria që kishte fast-foodin në qendër vrau gruan e tij dhe e shokuar erdha për të parë se çfarë ka ndodhur. I njihja, burri dukej shumë i qetë edhe gruaja e tij, se di çfare ka ndodhur. Nuk i kisha dëgjuar ndonjë herë të zihen.”-tha një grua tjetër e lagjes.

Ndërkohë, një fqinj tjetër ka thënë:

Nuk ziheshin, nuk i kishim dëgjuar ndonjëherë të zihen, nuk e di..të qetë ishin të dy. Kishin një fast-food në qendër, shkonim atje gjithmonë ishin të buzëqeshur dhe të sjellshëm. S’di çfarë të them kam mbetur pa fjalë. Kishin vite që jetonin këtu, më shumë se 6-7 vite. Më duket e paimagjinueshme kjo që ndodhi.