Presidenti i Shteteve të Bashkuara Joe Biden njoftoi dje se të gjithë punonjësit civilë federalë do të duhet të vaksinohen kundër Covid ose të përballen me testime të rregullta, distancimin shoqëror, kërkesat për mbajtjen e maskës si dhe kufizimet e udhëtimeve. Shkak është bërë përhapja e variantit "Delta" të Covid, dhe për këtë arsye punonjësit federalë në Uashington dhe disa qytete të tjera filluan të mbajnë maska përsëri në punë. “Ndërsa asnjë vendim nuk është finalizuar, them se vërtetimi i vaksinimit për punonjësit federalë është një mundësi që po shqyrtohet” -u tha gazetarëve Karine Jean-Pierre, zëvendës sekretare e shtypit në Shtëpinë e Bardhë. Mbajtja e maskave gjithashtu po kërkohet edhe në Dhomën e Përfaqësuesve në Kongres.
Mjeku i Kapitolit ndërmori veprimin pas rekomandimit të së martës nga Qendrat për Kontrollin dhe Parandalimin e Sëmundjeve që edhe ata që janë të vaksinuar duhet të mbajnë maska brenda ambienteve publike në zona me një transmetim të konsiderueshëm, ose të lartë të Covidit. Ai tha se standarde të ngjashme do të zbatohen për kontraktorët federalë. Për më tepër, Biden udhëzoi Departamentin Amerikan të Mbrojtjes të merrte parasysh se si dhe kur do të fillojë të kërkojë nga anëtarët e shërbimit të vaksinohen. Administrata Biden gjithashtu u bëri thirrje qeverive të sigurojnë 100 dollarë për çdo amerikan të sapo vaksinuar, nismë e cila financohet nga buxheti pre 350 miliardë dollarë i miratuar për të përballuar pandeminë.
Burimi: Aljazeera |Përktheu dhe Përshtati: JOQ Albania
