Një ngjarje e rëndë tronditi Italinë pak ditë më parë ku dy vëllezër shqiptarë vranë ish-bankierin italian Giovanni Caramuscio, sapo ai doli nga një ATM në Lecce Në lidhje me ngjarjen policia ka arrestuar 30-vjeçarin shqiptar Paulin Mecaj. Ndërkohë mediat italiane kanë publikuar detaje të reja, pasi në telefonin e 30-vjeçarit shqiptar janë zbuluar 4 fotografi dhe një video. Këto materiale tregojnë Paulin Mecajn, si dhe janë zbuluar disa mesazhe. Në biseda e ‘ëhatsapp’, Mecaj komunikon me një mik. Ky i fundit, përmes një mesazhi zanor në datën 15 korrik, thotë: “Oh !!! Shok, më dërgo një… disa fotografi… atë makinën dhe një video mos harro ”. Kjo pasohet nga një seri fotografish të dërguara nga 30-vjeçari shqiptar. Në njërën prej tyre është paraqitur arma e mbajtur në kuti.
Këta elementë kanë ndihmuar shumë, sepse gjatë hetimeve doli se 30-vjeçari shqiptar mbante një pistoletë gjysmë automatike me plumba të kalibrit që përputheshin me ato që u gjetën në vendin e krimit. Më tej bisedat vazhdojnë edhe në 16 korrik, ditën kur ndodhi vrasja. 30-vjeçari shqiptar merr një fotografi të një karte ATM nga bashkëbiseduesi i tij. “Oh djalë, ke bërë gjë?”– Kësaj pyetje, Mecaj i përgjigjet “Jo djalë, më duhet të shkoj në bankë”.
Paulin Mecaj
Burimi: leccenews24.it |Përktheu dhe Përshtati: JOQ Albania
