Turqia po kalon një situatë të vështirë për shkak të zjarreve masive që kanë përfshirë vendin. Autoritetet evakuuan 18 fshatra dhe rrethe në Antalya. Temperaturat e larta dhe erërat e forta ndihmuan në përhapjen e zjarrit rreth qytetit të Manavgat. Sipas mediave të huaja, si pasojë e zjarrit masiv kanë humbur jetën 3 persona.
Sipas ministrit, një 82-vjeçar u gjet i vdekur gjatë evakuimit të zonës Kezbebeleni, e cila ndodhet 16 kilometra në verilindje të Manavgat. Ministri më vonë njoftoi se dy trupa të tjerë të vdekur ishin gjetur në zonën Degirmenli të Antalisë, rreth 20 kilometra në lindje të Manavgat.
Raportohet se 58 persona janë duke marrë trajtim mjekësor. Turqia po përballet me një sërë fatkeqësish të shkaktuara nga kushtet ekstreme të motit këtë verë, përfshirë përmbytjet javën e kaluar që lanë gjashtë të vdekur në rajonin e Detit të Zi.
Burimi: www.protothema.gr|Pëktheu dhe përshtati: JOQ ALBANIA
At least three people were killed and hundreds have been evacuated as a forest fire rages through southern Turkey. pic.twitter.com/uY8dRRdhBa
— DW News (@dwnews) July 29, 2021