Edi Rama, Zoran Zaev dhe Aleksandër Vuçiç, kanë firmosur sot një marrëveshje për një bashkëpunim mes tre vendeve, i cili është një “pasardhës” i Mini-shengen, por tashmë është quajtur "Ballkani i Hapur". Tre kryeministrat, firmosën marrëveshjen dhe mbajtën konferencë në lidhje me këtë forum, që ka nisur që prej orëve të para të mëngjesit. Ajo që është vënë re në këtë forum, është komentet e shumta të Ramës për kundërshtinë e Kosovës në lidhje me këtë proces, por edhe afrimiteti dhe raporti miqësor mes kryeministrit tonë dhe Aleksandër Vuçiç.
Në lidhje me Kosovën, Rama u shpreh:
Kush thotë që kjo është nismë e bërë në bodrumet e ish-Jugosllavisë për të ringritjen e Jugosllavisë, jeton në një botë paralele, për politikë në lëkurën e njerëzve dhe jo për rritjen e mirëqenies dhe forcimin e urave mes njerëzve. Harron se po të nisemi kështu, duhet ët themi që edhe BE është një Jugosllavie e madhe, nëse është BE, atëherë dhe kjo është një Jugosllavie e vogël.
Vuçiç tha për Ramën:
Të dashur miq, unë nuk e di si do të përgjigjet Edi, por cfarë do që të thotë 100%, cdo fjalë që ai do të thotë unë e mbështes 100%. Në 2015 në takimin me Edin, ishin në pozitat e dy armiqve, ku njëri i shkoi tjetrit dhe gjetëm fjalë të mjaftueshme që ta fyejmë njëri-tjetri, për të fituar pikë në politikat e brendshme. Dhe kjo s’ka rëndësi tani ne arritëm të bëjmë diçka për të menduar për ardhmërinë e përbashkët, për rezultatet.
