Mesfushori i Interit Arturo Vidal kohën e fundit ka qenë në qendër të vëmendjes jo vetëm për talentin e tij, por edhe jetën e tij private. Këtë verë, pritet të “vuloset” e ardhmja e tij ku do të mësohet nëse do të qëndrojë ende në Milano apo do të transferohet diku tjetër.
Nga ana tjetër, ai nuk ka lënë mënjanë marrëdhëniet sentimentale. Pasi i dha fund fejesës me modelen kolumbiane Sonia Isaza, zemrën kilianit ia ka rrëmbyer një tjetër patriote e ish-it. Bëhet fjalë për gazetaren sportive Daniella Duran. Sipas gazetave lokale Vidal dhe Daniella kanë disa kohë bashkë. Madje sipas tyre, gazetarja ka ndjekur Kupën e Amerikës në Brazil, duke intervistuar ekskluzivisht mesfushorin e Kilit.