Vjedhje masive te “Koço Gliozheni”, fiton firma që ofron 700 milionë më shumë për larje çarçafësh

Shkruar nga: M Gjini | Publikuar më: 16.07.2021, 22:37

Gjakpirësit e shëndetësisë vazhdojnë ende të mbërthejnë për fyti me kthetrat e tyre këtë shtet të shkretë që është katandisur ku të thërret qameti. Janë thuajse të pafundme tënderat e parregullt e më sa paku të dyshimta, që publikojmë përditë e që duket se askush nuk e vret mendjen. Ndonëse tek-tuk raportohet në media për kapjen e ndonjë peshku të vogël që nuk i hyn më në punë “ustallarëve”, janë peshkaqenët e mëdhenj ata që i hanë përditë e më shumë llokmat e parave publike të Shqipërisë. E njëra nga fushat ku vjedhjet me tenderat kryhen në mënyrë galopante është mjekësia e drejtuar nga Ogerta Manastirliu.

Rasti më i fundit është një tender tepër i dyshimtë, madje me përmasa skandaloze. Në fakt nuk dihet se çfarë duhet më tepër që i gjithë zinxhiri drejtues i spitalit bashkë me Ogertën të përfundojnë pas hekurave. Po çfarë ka ndodhur? Spitali Universitar Obstetrik- Gjinekologjik “Koço Gliozheni” ka hapur një tender nëpërmjet Agjencisë së Blerjeve të Perqendruara me objekt “Shërbimi i lavanderisë dhe hotelerisë në pavionet e Spitalit Universitar Obstetrik- Gjinekologjik “Koço Gliozheni””.

Tenderi mban numrin e referencës REF-68613-08-13-2020 dhe ka fond limit shifrën prej 185,496,117 lekë të reja pa TVSH ose rreth 2.2 miliardë lekë të vjetra me TVSH. Tani fillon çudia. Në tender kanë marrë pjesë 5 firma nga të cilat ka fituar një firmë që ka ofruar gati 700 milionë lekë të vjetra me TVSH më shumë se njëri nga garuesit. Bëhet fjalë për firmën "UNIVERS SERVIS" SHPK me pronar Plarent Gjinari që është shpallur fituese më vlerën 171,224,352 lekë të reja pa TVSH ose rreth 2.05 miliardë lekë të vjetra me TVSH. Ndërkohë njëra nga firmat garuese ka ofruar vlerën 113,165,591 lekë të reja pa TVSH ose rreth 1.35 miliardë lekë të vjetra me TVSH.

Pra diferenca është absolutisht skandaloze në një vlerë prej rreth 700 milionë lekë të vjera me TVSH. Në rastin më të mirë, shteti i bie të ketë humbur 700 milionë lekë të vjetra, një dëm i pastër ekonomik. Po prisni pasi kjo nuk është çudia e vetme. Njëra nga firmat në garë ka marrë pjesë, po ka ofruar vlerën zero. Kjo tregon qartë se pjesëmarrja e saj ka qenë sa për numër dhe se fituesi ka dyshime të forta që të ketë qenë i paracaktuar. Natyrisht edhe raporti mes vlerës fituese dhe fondit limit ngre dyshime të forta për parregullsi në shpalljen e fituesit. Kjo sepse vlera fituese është sa 92.3% e fondit limit, duke sugjeruar qartazi për dyshime të forta për një fitues të paracaktuar. Dhe së fundmi, ëmbëlsira... Firma "UNIVERS SERVIS" SHPK që fitoi tenderin me vlerë mbi 2 miliardë dollarë për të larë çarçafë, ka 100 mijë lekë kapital. Çudira shqiptare!

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit