Të shtëna me armë zjarri janë regjistruar mbrëmjen e djeshme nnë zonën e "Freskut" në Tiranë. Në një mesazh të mbërritur në redaksinë tonë dje një qytetar bëri me dije se ka ndodhur një plagosje. Në videon e dërguar dëgjohet edhe krisma e armës nga një Audi i zi si dhe një e sharë "do të shk*rdhej robt".
Lidhur me plagosjen me armë zjarri të ndodhur mbrëmjen e djeshme në Tiranë ka rënë në pranga autori i ngjarjes. Klajdi Shanaj, 33 vjeç akuzohet për veprat penale “Vrasje me dashje e mbetur në tentativë” e kryer në bashkëpunim” “Armëmbajtja pa leje” dhe “Prishja e qetësisë publike”. Për të njëjtat vepra penale është shpallur në kërkim edhe vëllai i tij, Ramandi Shanaj, 25 vjeç
Dy vëllezërit, mbrëmjen e djeshme, rreth orës 23:45, pas një konflikti të çastit për motive të dobëta, në rrugën “Karaman Ylli” kanë plagosur me armë zjarri në këmbë, Ergin Gjonin, 34 vjeç, i cili ndodhet nën kujdesin e mjekëve, jashtë rrezikut për jetën. Gjithashtu është shpallur në kërkim është edhe Valter Pershpalaj për moskallëzim të krimit.