Kapiteni i Danimarkës Simon Kjaer po cilësohet në media si heroi i cili i shpëtoi jetën Kristian Eriksenit pas atakut kardiak në mes të fushës në ndeshjen Danimarkë-Finlandë. Ishte pikërisht Kjaer i cili shkoi me shpejtësi drejt shokut të skuadrës sapo ra përtokë. Sipas mediave ndërkombëtare, Kjaer e ktheu me shpinë Eriksenin duke i liruar kështu rrugët e frymëmarrjes dhe nisi t'i bënte masazhin e zemrës. Ndihma e parë e tij ishte shumë e rëndësishme dhe përcaktuese, për t'ia lënë më pas në dorë mjekëve. Madje Kjaer i qëndroi pranë edhe bashkëshortes së Eriksen, e cila u trondit kur pa të shoqin të shtrirë në mes të fushës. Gjithashtu Kjaer organizoi të gjithë lojtarët e skuadrës së tij në një rreth në shenjë inkurajimi si për të penguar kamerat që ta filmonin shokun e tij në atë gjendje.
Burimi: Daily Mail |Përktheu dhe Përshtati: JOQ Albania
