Leonardo DiCaprio, aktori i famshëm hollivudian prej kohësh i është bashkuar apelit dhe fushatës për mbrojtjen e lumit Vjosa në Shqipëri. Me anë të një postimi në Twitter, DiCaprio kërkon që Lumi Vjosa të shpallet Park Kombëtar. DiCaprio është shprehur se ky status ‘do ta mbrojë zonën nga digat dhe një kërcënim i ri si shpimet e naftës dhe gazit’.DiCaprio zgjodhi që postimin e tij ta shoqëronte me një artikull nga organizata ‘Global Wildlife Conservation’ të shkruar nga gazetarja Gege Li, një biokimiste e cila prej vitesh shkruan për natyrën në revista shkencore si ‘New Scientist’ apo ‘Chemistry World Magazine’.
Në artikull përmenden edhe protestat e vazhdueshme nga shoqëria civile dhe angazhimet e aktivistëve mjedisor apo dhe komunitetit shkencor për ta shpallur Vjosën Park Kombëtar.
Granting the Vjosa River status as a national park would protect the area from dams and a new threat from oil and gas drilling. #VjosaNationalParkNow https://t.co/evi71o1Mg2
— Leonardo DiCaprio (@LeoDiCaprio) May 6, 2021