E papritur/ Bill Gates ndahet nga e shoqja pas 27 vitesh martesë

Bill dhe Melinda Gates kanë shpallur divorcin pothuajse pas tri dekadash të martuar. Themeluesi i Microsoft, Bill Gates, ka njoftuar nëpërmjet një letre të përbashkët në llogarinë e tij zyrtare në ‘Twitter’ se është ndarë nga gruaja e tij, Melinda Gates, pas 27 vitesh bashkëjetesë. Bashkëthemeluesi i Microsoft dhe gruaja e tij thonë se ata do të vazhdojnë të punojnë së bashku në "Bill & Melinda Gates Foundation", fondacioni më i madh bamirës në botë. "Ne kemi rritur tre fëmijë të mrekullueshëm dhe kemi ndërtuar një fondacion që punon në të gjithë botën për t'i mundësuar të gjithë njerëzve të bëjnë jetë të shëndetshme dhe produktive"- thanë ata.

Në letër shkruhej:

Kemi rritur tre fëmijë të mrekullueshëm dhe ndërtuar një fondacion që operon kudo në botë dhe që i mundëson një jetë të shëndetshme dhe prodhuese njerëzve . Ndajmë ende besimin në atë mision dhe do vijojmë bashkëpunimin në fondacion, por nuk mendojmë se mund të rritemi më së bashku si çift. Ne vazhdojmë të ndajmë besimin se misioni dhe puna jonë do vazhdojë së bashku, por mendojmë se nuk mund të kalojmë në faza të tjera jetësore si çift. Ne kërkojmë hapësirë dhe privatësi për familjen tonë, derisa të fillojmë jetën e re është komenti i vetëm që deri më tani shpjegon vendimin e papritur.

Burimi: DW |Përktheu dhe Përshtati: JOQ Albania