Drejtoria e Spitalit Rajonal Fier i ka dhënë 300 milionë nga fondi i akorduar për Shëndetësinë ECO RICIKLIM në tenderin me objekt: Evadimi dhe trajtimi i mbetjeve të rrezikshme spitalore dhe anatomike, duke skualifikuar të gjithë operatorët e tjerë konkurrues përveç fituesit, arsyeja pse kjo procedurë tenderimi është shënuar me REDFLAG. Operatori tjetër Ekonomik në garë Medi-Tel ka bërë ankimim lidhur me klasifikimin dhe përjashtimin nga procedura e tenderit, por nuk i është marrë parasysh.
Por nëse i hyjmë pak më thellë kësaj kontrate, do të vëmë re se kompania që ka përfituar në numër të lartë tendera në shkelje është në pronësi me 51% të aksioneve, Arbër Teqjas, 30% të aksioneve Ervin Meçes, i cili mban edhe rolin e administratorit të firmës, dhe 19% në pronësi të Adriatik Memës. Le të ndalemi tek aksioneri më i madh i kësaj firme... Ndër të tjera, emri i aksionerit kryesor Arbër Teqjas mund t'ju tingëllojë i dëgjuar në media për faktin se është pronar i një resorti të njohur në dalje të Tiranës, ku ka patur disa herë përplasje me armë zjarri.
ARBËR TEQJA NË RESORTIN E TIJ
Gjatë viteve 2015-2021, ECO RICIKLIM ka përfituar transaksione, derdhje nga Thesari i Shtetit në vlerën e rreth 2.5 Miliard Lekëve, përfituese e 38 tenderave, 12 prej tyre me REDFLAGS.
2015-2018
2019-2021
Duket se institucionet shtetërore të shëndetësisë e kanë bërë rrugë “kriterin” e të dhënit para publike personave që kanë patur probleme me drejtësinë. Në rastin tonë, pronari i ECO RICIKLIM, Teqja ka qenë i arrestuar në vitin 2015, si një prej përfituesve nga Fondi i Sigurimit të Detyrueshëm të Kujdesit Shëndetësor, në shuma të konsiderueshme parash nëpërmjet skemës së rimbursimit të medikamenteve nëpërmjet farmacisë së tij “Express”. Teqja u arrestua për evazion fiskal, pasi kishte përfituar në mënyrë abuzive nga fondi i rimbursimit të ilaçeve, nëpërmjet falsifikimit të recetave.
Por nuk ndalet këtu informacioni për Teqjan! Rezulton se nëpërmjet kompanisë tjetër të tij DIAL-ALB ai është gjobitur në kohën e pandemisë nga Autoriteti i Konkurrencës me masë administrative gjobë në vlerën e 1.2 milionë lekëve për shumëfishim të çmimeve të dezinfektantëve dhe maskave në muajt kur Shqipëria u kalua nga pandemia e Covid-19, duke zhvatur kështu qytetarët e varfër shqiptarë.
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.