Sapo është mbyllur gjysmëfinalja tjetër e Champions League mes PSG dhe Manchester City e cila u luajt në “Parc des Princes”. Ndeshja u mbyll me rezultatin surprizues 1-2 në favor të anglezës të Guardiolës e golat e De Bruyne dhe Riyad Mahrez, ndërsa parizienët u mjaftuan me një gol nga Marquinhos.
Pjesa e parë u mbyll me avantazhin e parizienëve të cilët shënuan që në minutën e 15-të me anë të Marquinhos. Mbrojtësi brazilian shfrytëzoi një kros të Di Marias nga goditja e këndit. Ndërsa pjesa e dytë rezervoi surprizat e ndeshjes. Annglezët e Pep Guardiolës ia dolën të rikthejnë baraspeshën në minutën e 64-të. Autori i golit ishte Kevin De Bruyne. Belgu hodhi një kros në zonën ku askush nuk ishte për ta devijuar dhe topi përfundoi në rrjetën e kampionëve të Francës. City mori zemër dhe shtatë minuta më vonë kaloi në avantazh. Goditje dënimi, ekzekutim perfekt i Riyad Mahrez dhe topi në rrjetë.
Ndërkohë nē minutën e 77-të parizienët e ndëshkuan pasi Gueye mori karton të kuq pas një ndërhyrje të rëndë nga Gundogan. Me këto shifra u mbyll edhe ndeshja. Sfida e dytë gjysmëfinale e Champions League, do të zhvillohet më 4 maj në Angli. City arriti të merrte fitoren e 18-të radhazi jashtë fushe në të gjitha kompeticionet nën drejtimin e katalanasit Guardiola.
⏰ RESULT ⏰
😎 Champions League nights!
😮 Advantage Manchester City... 🔵 Mahrez & De Bruyne turn contest around with second-half away goals 💪 🔮 Predict what will happen in the decider!#UCL
— UEFA Champions League (@ChampionsLeague) April 28, 2021