Mbrëmjen e sotme përfaqësues të "Kastrati Group" organizuan një nismë për mbledhje fondesh për personat dhe familjet në nevojë në Qarkun e Kukësit. Qëllimi kryesor i kësaj nisme është që ndihma ndaj familjeve në nevojë të jetë e njëtrajtshme dhe e vazhdueshme, pasi nevojat janë të përditshme. Organizatorët synojnë që kjo nismë të shtrihet edhe në qytete të tjera. Kujtojmë se prej tre ditësh ka nisur edhe muaji i Shenjtë i Ramazanit dhe në këtë kuadër është ndërmarrë edhe nisma për bamirësi, ndërsa siç e theksuan vetë organizatorët, qëllimi kryesor është që bamirësia të shtrihet edhe përtej muajit të Ramazanit. Gjithashtu ata shtruan edhe një iftar ( darka në përfundim të ditës së agjërimit) për besimtarët myslimanë.