Disa vende të Evropës kanë njoftuar lehtësim të masave anti-Covid. Kryeministri i Belgjikës, ka njoftuar se vendi shpejt do të rihapë restorantet dhe baret, të cilat do të funksionojnë vetëm në ambientet e hapura. Ky vendim ka ardhur pas rënies së rasteve të reja në këtë vend. Gjithashtu edhe vendet e tjera përfshirë Zvicrën dhe Danimarkën kanë njoftuar lehtësim të masave të vendosura.
Belgjika
Kryeministri i Belgjikës Alexandër De Croo gjatë një konference njoftoi që masat do të lehtësohen. "Duke parë që numri i infeksioneve është në ulje javët e fundit dhe shtrimet në spitale gjithashtu, vendosëm që të lehtësojmë masat”- deklaroi De Croo. Belgjika gjithashtu do të heqë një ndalim të udhëtimeve jo-thelbësore jashtë vendit nga java tjetër, por qeveria vazhdon të këshillojë kundër udhëtimeve të tilla.
Zvicra
Zvicra gjithashtu njoftoi se po lehtësonte masat, pavarësisht nga fakti që pandemia po përkeqësohet në vend. Shkalla ditore e infeksionit është paka a shumë e njëjtë me atë në Itali dhe Gjermani, por është nën mesataren e BE-së dhe tre herë më e ulët se në Francë.
Danimarka
Edhe Danimarka do të lehtësojë rregullat për udhëtimet jashtë vendit, duke synuar lejimin e udhëtarëve evropianë të lëvizin pa karantinë nga fundi i qershorit. Ky plan parashikon katër faza midis 21 prillit dhe fundit të qershorit dhe heqja e karantinës do të bëhet në mënyrë graduale në varësi të destinacionit. Aktualisht lejohet që njerëzit të hyjnë në biznese të caktuara të vogla, parukeri, sallone bukurie duke provuar që bartësi ose është vaksinuar plotësisht, ose ka rezultuar negativ gjatë 72 orëve të fundit.
Burimi: Euronews | Përktheu dhe Përshtati: JOQ Albania