Pak ditë më parë në Gjirokatër u bë publik lajmi se në ambientet e zjarrfikëses ishin shkarkuar tonelata me ushqime për t'u përdorur për fushatë nga socialistët. Gjithashtu ditën e djeshme ndodhi po e njëjta gjë në bibliotekën "Petro Zheji" ku u shkarkuan ushqime që do të përdoren në këmbim të votës! Dhe mesa duket e njëjta strategji po ndiqet nga të gjithë rilindasit në çdo cep të vendit. Në Gorishovë të Fierit, Kryetarja e Forumit të Gruas PS, Fatbardha Merkaj, e cila është njëkohësisht edhe drejtoreshë e gjimnazit të Cakranit, është fotografuar së bashku me punonjës të Bashkisë Fier duke shpërndarë ushqime në lagjen Dautaj. A thua vallë të jetë kjo strategjia që po përdoret për të bërë fushatë? Pra, që populli të mendojë për plotësimin e nevojave jetike dhe të mos ketë kohë për gjëra të tjera? Kushedi...