Edhe fituesve të koncesioneve multi-miliardëshe të Shëndetësisë kanë nisur t’u rritet egoja aq shumë sa kanë nisur të marrin edhe nga tenderat e vegjël, për të ngopur xhiron ditore nga kompanitë e tyre me xhiro ditore marramendëse.
Ditën e sotme do trajtojmë tenderin “qokë” të Qendrës Kombëtare të Teknikës Bio-Mjekësore, institucion në varësinë e ministrisë së Shëndetësisë së Manastirliut, për një prej kompanive më të kripura të Shëndetësisë. Ky institucion i ka dhënë një tender me vlerë të papërfillshme për PEGASUS-in e Janis Karathanos, vetëm 11 milionë lekë pa tvsh për “Riparim dhe furnizim vendosje të pjesëve të këmbimit për 2 pajisjet mjekësore Eko prodhuesi Medison, ose ekuivalent në poliklinikën e specialiteteve nr.3.”
Tenderi i dhënë më kërkesë për propozim është shënuar me flamur të kuq për mungesë konkurrencë, pra e thënë thjesht disa lekë xhepi për Karathanosin e koncesionit të laboratorëve.
Me shumë mundësi ju kujtohet një prej koncesioneve me vlerën më të frikshme në këtë fushë, ai i laboratorëve, i cili i hoqi të drejtën institucioneve shtetërore të kryenin analiza, kur ky shërbim iu dha privatit për 13 miliard lekë të paguara kokërr më kokërr nga buxheti i shteti i akorduar për Shëndetësinë nga ish-ministri i Shëndetësisë ilir Beqaj.
Fitues të këtij koncesioni u shpall konsorciumi midis tre kompanive, Labopharma Sh.p.k & AB Laboratory Solutions & Exalab. Labopharma dhe AB Laboratory Solutions janë në pronësi të Janis Karathanos. Ndryshe nga “Labopharma” e cila është drejtpërdrejt në pronësi të Karathanos, “AB Laboratory Solutions B.V” ka si kompani mëmë PEGASUS shpk me zotërues po Janis Karathanos.
Pegasus jo vetëm është kompania e biznesmenit Janis Karathanos, por rezulton se ka lidhje edhe me BOSS-en e kësaj fushe, Vilma Nushin, fituesen e koncesionit të Check Upit. Kompania e Karathanos i ka dhuruar Nushit pajisjet laboratorike për ‘Check-Up’-in, ndërsa Nushi në këmbim ka detyrimin që të blejë tek firma ‘Pegasus’ të gjithë reagentët që i duhen. Granti i deklaruar mes dy kompanive është rreth 320 mijë dollarë.
Rezulton se Pegasus, pavarësisht koncesionit të artë, bashkëpunon po ashtu edhe me kompanitë e tjera të koncesioneve të frikshme duke përmendur këtu EVITËN e koncesionit 8.6 miliard lekë të hemodializës, për të përfituar nga paratë publike. Kjo kompani ka një përfitim në vlerë të frikshme falë tenderave të Shëndetësisë që kapin vlerën mbi 7.5 miliard lekë pa tvsh.
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.