Policia italiane ka arrestuar 48-vjecarin shqiptar, Zef Tirtja pasi akuzohet për grabitje në disa banesa duke terrorizuar banorët e zonës. Mediat italiane shkruajnë se 48-vjeçari shqiptar, akuzohej për 27 vjedhje, ndërsa vetë ishte larguar nga jetonte në pyll. Por kishte gabuar diku. Policia arriti të binte në gjurmët e tij pasi kishte përgjuar telefonatat e tij ku iu rrëfente miqve se:
Për shkak se shqiptari ishte shpërngulur për të jetuar në pyll, efektivët italianë i kishin vendosur nofkën “Rambo i hajdutëve”. Por ai ishte shumë i kujdesshëm në atë që bënte pasi jetonte në një çadër në pyll ndërsa ditëve me shi në ndonjë hotel në Genova. “Rambo” brenda një nate ishte në gjendje të vidhte tre ose katër shtëpi në të njëjtën kohë. Pavarësisht nga fakti që kishte njerëz që flinin brenda.
Sipas Policisë, ai kishte grabitur të paktën 27 shtëpi nga janari i kaluar deri pak ditë më parë. Për të hyrë në banesa, ai në thelb përdori dy metoda. E para: çmontonte kornizat e dyerve dhe dritareve. E dyta: Me një pincë të veçantë, hapte çelëzin e derës. Në shtëpitë e gjenovezëve ai merrte çfarë të gjente: çanta Louis Vuitton, ar, bizhuteri, madje njëherë vodhi një arkë.