Uji me klor i pishinave mund ta "vrasë" koronavirusin në vetëm 30 sekonda. Është ky përfundimi në të cilin arritën disa ekspetë të Imperial College London. Virologët studiuan ndikimin e përqendrimeve të ndryshme të klorit në ujë në virusin SARS-CoV-2. Gjetjet sugjerojnë se rreziku i transmetimit të COVID-19 përmes ujit të pishinës është i ulët. “Ne i kemi kryer këto eksperimente në laboratorët tanë të lartë të kontrollit në Londër. Duke përzier virusin me ujin e pishinës, ne mund të tregonim se virusi nuk mbijeton në ujin e pishinës.” shpjegoi autorja e studimit Wendy Barclay, nga Kolegji Imperial në Londër. Në studim, profesoresha Barclay dhe kolegët e saj gjetën se një përqendrim i klorit prej 1.5 miligramë për litër dhe një pehash midis 7–7,2 zvogëloi infeksionin e SARS-CoV-2 më shumë se 1000 herë brenda vetëm 30 sekondave.
Testet e mëtejshme duke përdorur përqendrime të ndryshme të klorit dhe niveleve të pH arritën në përfundimin se klori është më efektiv me një nivel të ulët pehashi. Sipas autorëve, studimi shton provat se pishinat mund të jenë mjedise të sigurta nëse merren masat e duhura.
Burimi: swimming.org |Përktheu dhe Përshtati: JOQ Albania
