Australia tha të martën një person i dytë ishte diagnostikuar me një mpiksje gjaku pasi kishte marrë vaksinën AstraZeneca. Por ende nuk kishte pasur rritje të anulimeve të vaksinimit pasi autoritetet përpiqen të vazhdojnë një fushatë të imunizimit të ndërlikuar. Këtë javë Australia braktisi një qëllim të vaksinimit të të gjithë popullsisë së saj gati 26 milionëshe deri në fund të vitit, pasi rregullatori i ilaceve në Evropë raportoi raste të rralla të mpiksjes së gjakut midis disa marrësve të rritur të dozave të AstraZeneca. Kjo i bëri zyrtarët australianë të rekomandojnë që ata që janë më të rinj se 50 vjeç të marrin vaksinën e Pfizer Inc në preferencë ndaj dozëd së AstraZeneca.
Ndërkohë autoritetet thanë se nuk kanë në plan të shtojnë vaksinën me një dozë të Johnson & Johnson në listën e tyre të vaksinave. Kjo pasi Australia donte të largohej nga prokurimi i vaksinave që ishin nën shqyrtimin e lidhjeve të mundshme me mpiksjen e gjakut. Të dy produktet janë nën rishikim nga rregullatori i ilaçeve në Evropë pasi gjeti lidhje të mundshme me mpiksjen e gjakut, megjithëse ka thënë se avantazhet ende tejkalojnë rreziqet. Australia filloi vaksinimet shumë më vonë se disa vende të tjera për shkak të numrit të ulët të rasteve COVID-19, duke regjistruar pak më shumë se 29,400 infeksione që nga fillimi i pandemisë.
Burimi:reuters. Përktheu dhe përshtati:JOQ ALBANIA
