Skënder Brataj, drejtori i Urgjencës Kombëtare duket se e ka lënë në harresë detyrën e tij dhe ka përveshur mëngët tek biznesi i tenderave. Si duket ky i fundit rezulton më fitimprurës se sa daljet nëpër ekranet e televizioneve duke bërë ekspertin.
Ndonëse Urgjenca Kombëtare ka 101 probleme që u duhet dhënë zgjidhje sa më parë përmes një menaxhimi efektiv dhe efikas, Skënder Brataj interesohet me sa duket vetëm për paratë. Kështu, zotëria në fjalë ka organizuar një tjetër tender me numër reference REF-86071-02-05-2021 që ka për objekt “Shërbim GPS dhe monitorim për autoambulancat”, me fond limit rreth 100 milionë lekë të vjetra me TVSH.
Tenderi është problematik pasi në të ka marrë pjesë vetëm një kompani e cila domosdo është shpallur edhe fituese. Pra praktikisht ka garuar me vetveten, dhe pasi e ka mundur paq atë, ka fituar. Fituese është shpallur firma Elektrosek sh.p.k në pronësi të Ilir Mane.