Inspektori i Lartë i Drejtësisë, me në krye Artur Metanin, i cili është përgjegjës për verifikimin e ankesave, hetimin e shkeljeve disiplinore dhe fillimin e procedimit disiplinor ndaj gjyqtarëve dhe prokurorëve të të gjitha niveleve, anëtarëve të Këshillit të Lartë Gjyqësor, anëtarëve të Këshillit të Lartë të Prokurorisë dhe Prokurorit të Përgjithshëm, duket se nuk ndihet edhe aq përgjegjës kur shpërndan paratë e shqiptarëve nëpër xhepat e oligarkëve.
****
Përpos faktit se është një nga përfituesit më të mëdhenj të bashkisë Tiranë për pastrime të kryeqytetit, sipas disa konstatimeve që kemi vënë re në prokurimet e fundit publike duket se Fiqiri Allmuça i PASTRIME SILVIO është i abonuar në tenderat me objekt pastrimi në të gjitha institucionet shtetërore.
Kritere specifike të përpiluar kastile për përfituesin më të madh të tenderave me këtë objekt, kemi hasur në një tender të fundit, të hapur nga ILD. Mesa duket Allmuça po zbaton praktikën “pak e shpesh”, të përfitimit të parave publike për të mos rënë në sy, pasi edhe në një tender të ngjashëm nga DAP, me Autoritet Prokurues Agjencinë e Blerjeve të Përqendruara, iu dha një tender me vlerë mbi 16 MILIONË LEKË PA TVSH, ku fitues u shpall PASTRIME SILVIO, teksa në garë merrnin pjesë edhe disa kompani të tjera.
Ashtu si edhe në tenderin e DAP, edhe tenderi i ILD me fond limit 13 MILION LEKË PA TVSH, është me procedurë “Kërkesë për propozim” ku sipas burimeve për JOQ dhe nisur nga specifikimet teknike të cilat do t’i analizojmë më poshtë, fitues do të shpallet sërish Allmuça.
Nëse i hedhim një sy të shpejtë specifikave të këtij tenderi do të lexojmë:
Burimi për JOQ deklaron: Kanë vënë këtë si kriter specifik ndërkohë që e gjithë godina është diku te 1200 e pak m2.
"Kur katet janë me të ulëta se normalet dhe pika më e lartë e hollit është max 4 m."
"Ndërkohë që kompanisë i kërkon të ketë min 10 punonjës."
"Ka kërkuar dhe 3 certifikata ISO, që s'bën sens."
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
