Lali Leku duket se nuk i ndahet vërtetë lekut, duke ia bërë respektin deri në fund. Kështu, rezulton se institucioni në varësi të tij, UKT, i ka dhënë biznesmenit Agron Papuli rreth 360 milionë lekë të vjetra me TVSH për makina me qira.
Më konkretisht bëhet fjalë për tenderin me numër reference REF-84951-01-27-2021 dhe me objekt “Shërbim leasing për makina”. Procedura e tenderit rezulton e dyshimtë për disa arsye. Në tender kanë marrë pjesë vetëm dy firma, dhe të dyja me oferta shumë të ngjashme, pra mjaft afër njera-tjetrës. Diferenca mes dy ofertave është vetëm 100 mijë lekë të reja pa TVSH.
Gjithashtu vlera e shpallur fituese është thuajse identike me fondin limit të tenderit, përkatësisht sa 99.5% e tij. Fitues është shpallur kompania C L A S S I C me vlerë të ofruar 29,850,000 lekë të reja pa TVSH. Duket se Erion Veliaj ka marrë zarfin e zakonshëm në raste tenderash nga Papuli, duke bërë që të shpallet fitues në një procëdurë të dyshimtë.
