Ditën e djeshme Donald Trump u kthye në qendër të vëmendjes pas deklaratës së tij se mund të kandidojë për president përsëri në vitin 2024, ndërsa ai kërkoi të rikonfirmonte dominimin e tij mbi një Parti Republikane që është jashtë pushtetit. 74-vjeçari iu drejtua Konferencës Konservatore të Veprimit Politik në Orlando në një fjalim të shumëpritur. Por ndërsa ai fliste për planet e tij të ardhshme, la të nënkuptojë se mund të sfidojë presidentin Biden dhe t'i kërkojë revanshin.
"Ju e dini që ata thjesht kanë humbur Shtëpinë e Bardhë"- tha Trump duke i theksuar edhe njëherë se zgjedhjet presidenciale të 2020 u manipuluan nga Demokratët. Trump gjithashtu mohoi se ishte duke krijuar një parti të re. "Unë nuk jam duke krijuar një parti të re, ne kemi Partinë Republikane. Ajo do të bashkohet dhe do të jetë më e fortë se kurrë më parë" – tha ish-presidenti.
Burimi: France 24|Përktheu dhe Përshtati: JOQ Albania